Depay nuk e ka ndërmend të largohet nga Barcelona

Memphis Depay nuk e ka ndërmend të ndërrojë ambient.

Futbollisti, përkundër që do të përballet me një konkurrencë të ashpër në edicionin e ardhshëm, është i vendosur të qëndrojë në “Camp Nou”.

Lajmin e konfirmoi edhe Sport Es, sipas të cilëve holandezi u ka thënë bashkëlojtarëve që, edhe sikur të vijnë edhe gjashtë sulmues, ai s’e ka ndërmend të ikë nga “Camp Nou”.

Depay për një kohë të gjatë ka vuajtur nga lëndimet të cilat e penguin jo pak për ta treguar tërë potencialin.