Dalin në shitje biletat e ndeshjes Zvicër – Kosovë

Federata e Futbollit e Kosovës (FFK) ka njoftuar opsionin se ka nisur shitja e biletave për sektorin e tifozëve të Kosovës për ndeshjen miqësore ndaj Zvicrës.

Kosova do të luajë ndeshje miqësore ndaj Helvetikëve me datë 29 mars, me fillim nga ora 18:00.

Kjo do të jetë ndeshja e parë nën drejtimin e selektorit të ri, Alain Giresse, dhe tashmë janë gati të gjitha për këtë përballje.

FFK ka njoftuar opinionin se sot (e premte) ka nisur shitja online e biletave për sektorin e tifozëve të Kosovës për ndeshjen miqësore ndaj Zvicrës.

Më anë të një postimi zyrtar, FFK ka postuar edhe linkun që Federata Zvicerane e Futbollit e ka vënë në dispozicion për të gjithë të interesuarit që duan të kenë një biletë për këtë ndeshje, teksa ka treguar se biletat janë të personalizuara.

https://www.facebook.com/FFKKosova/posts/4718844531577568

Postimi pa ndërhyrje i FFK-së

Federata e Futbollit e Kosovës njofton opinionin se sot ka nisur shitja online e biletave për sektorin e tifozëve të Kosovës për ndeshjen miqësore Zvicër-Kosovë, që zhvillohet më 29 mars, në orën 18:00.

Më poshtë e gjeni linkun që Federata Zvicrane e Futbollit e ka vënë në dispozicion për të gjithë të interesuarit që duan të kenë një biletë për këtë ndeshje. Biletat janë të personalizuara.