Buka do të shtrejtohet në Nëntor, çmimet do të rriten për 10%

Shkup, 4 tetor – Shtrenjtimi i energjisë elektrike do të ndikojë në rritjen e çmimit të miellit e nënprodukteve të tij. Deri në fund të muajit nëntor bukën do ta blejmë 10 për qind më të shtrenjtë sesa çmimi aktual. Të paktën kështu paralajmërojnë prodhuesit e miellit, të cilat shtrenjtimin ia faturojnë rritjes së çmimit të energjisë elektrike dhe rritjes së çmimit të stokut të grurit. Nga Oda Ekonomike sqarojnë se çmimi në bursë i grurit si lëndë e parë bazë filloi sërish të rritet. Që nga korrjet e këtij viti çmimi në bursën franceze është rritur me rreth 10 për qind, në Serbi po ashtu është 10 për qind. Që do të thotë se do të rriten ndjeshëm çmimet e miellit, bukës dhe produkteve të tjera për një minimum prej 10 për qind në periudhën e ardhshme prej maksimumi 40 deri në 50 ditë. Çmimi i rritur i energjisë elektrike konsiderohet si një problem i madh për momentin. Goran Malishiq nga Oda Ekonomike thekson se teprica e natës e shitur nga EEM do të ishte me përfitim të madh, sepse 75 për qind e prodhimit të industrisë së bukës bëhet gjatë natës.

“Çmimi i rrymës për gusht 2022 në tregun e hapur ishte 32 denarë për kilovat orë, që për kompanitë është 500 për qind rritje e kostos në krahasim me vitin e kaluar. Të gjitha këto rritje do të kontribuojnë në rritjen e çmimit të bukës ose në mbylljen e pashmangshme të objekteve industriale. Kjo do të thotë se, jo vetëm për industrinë e fabrikave, por për të gjithë industrinë – pa ndihmën apo ndërhyrjen e Qeverisë në çmimin e energjisë elektrike, është i pashmangshëm reduktimi total i prodhimit në minimumin e mundshëm ose mbyllja e kapaciteteve, thekson Maliçiq. Ai shton gjithashtu se stoqet e grurit në subjektet private, siloset dhe mullinjtë janë në nivelin më të ulët historik, për shkak të reduktimit të të korrave vendore në vitin 2022, për shkak të pamundësisë së mullinjve për të siguruar grurin nga importi për shkak të çmimit të lartë. Gjithashtu, problem janë edhe fondet operacionale për prokurimin e drithit të bukës, të cilat nuk mbështeten nga bankat komerciale apo nga qeveria.

“Në këtë situatë, qeveria duhet të kishte ndihmuar më së shumti. Mirëpo, për të shmangur pasojat katastrofike javën e kaluar është mbajtur mbledhja e Grupit të Mullinjve-Furrave, nga e cila janë dërguar disa kërkesa në Qeveri dhe ministritë përkatëse. Kërkesa më e rëndësishme është se si një nga industritë më të rëndësishme shoqërore për ushqimin e popullatës ose industritë që ofrojnë miell, bukë dhe produkte furre shtëpiake, duhet të subvencionohet në çmimin e energjisë elektrike ose të shtohet në tregun e rregulluar në mënyrë që në të dyja opsionet, çmimi i energjisë elektrike të mos jetë më shumë se gjashtë denarë për kilovat orë. Kjo do të qetësonte situatën dhe çmimet do të uleshin në përputhje me rrethanat për të mirën e popullatës”, shpjegon Malishiq. Deri më tani nuk ka asnjë përgjigje nga Qeveria për kërkesën e prodhuesve të miellit. Javën e ardhshme presin një takim në nivel më të lartë, mes Odës dhe ministrive përkatëse, për të gjetur zgjidhjet e duhura.