Presidenti amerikan Xhozef Bajden sot deklaroi se aktgjykimi i gjykatës ruse kundër basketbollistes amerikane Britni Grajner me nëntë vite burg nën akuzën për posedim të drogës në Rusi është i papranueshëm dhe i bëri thirrje Moskës që menjëherë ta lirojë.
“Sot, shtetasja amerikane Britni Grajner ishte dënuar me burg, që është edhe një përkujtues për atë që bota tashmë e dinte: Rusia gabimisht e burgos Britnin”, theksoi Bajdeni në deklaratë.
Ai shtoi se kjo është e papranueshme dhe i bëri thirrje Rusisë që menjëherë ta lirojë Grajnerin, “që të mund të jetë bashkë partnerin, të dashurit, miqtë dhe bashkëlojtaret”.
