Banka popullore në mënyrë adekuate reagon ndaj presioneve të çmimeve

Banka popullore në mënyrë adekuate reagon ndaj presioneve të cilat nga tregjet ndërkombëtare të prodhimeve primare, respektivisht të prodhimeve themelore ushqimore dhe energjenteve, barten në çmimet vendore dhe e rrisin inflacionin. Pasiguria edhe më tej mbetet e lartë, prej aty Banka popullore edhe më tej duhet të vazhdojë t’i ndjekë lëvizjet ndërkombëtare dhe të vendit dhe nëse nevojitet, të reagojë në mënyrë adekuate. Kjo u potencua në takimin mes guvernatores së Bankës popullore, Anita Angelovska-Bezhoska, drejtoreshës së Bankës botërore për Ballkanin Perëndimor, Shiaoçing Ju dhe drejtorit të Bankës botërore për vendin Masimilijano Paoluçi.

Në takimin, siç kumtoi Banka popullore, u bisedua për projeksionet makroekonomike të vjeshtës së Bankës popullore, të cilat parasysh e marrin ambientin e përkeqësuar global si rezultat të tensioneve të mëtejshme gjeopolitike nga invazioni ushtarak i Rusisë ndaj Ukrainës, pandemisë së Kovid-19 dhe presionet plotësuese ndaj çmimeve në tregjet botërore të prodhimeve primare.