Shkup, 31 tetor – Liderët evropianë duhet të kuptojnë se biznesi ballkanik është i ngopur nga poshtërimi, kushtëzimi dhe vonimi. Jemi ngopur me radhët e kamionëve dhe me kufijtë në çdo hap (perspektivat e qarta deri në vitin 2030, 2040, 2050, 2060). Ajo që ne si biznes duhet të bëjmë është të lexojmë mesazhet me vëmendje dhe të pranojmë vërejtjet e vërteta, duke përshpejtuar proceset e zhvillimit ekonomik, sepse është e qartë se ne nuk mund të përballemi vetëm me këto sfida dhe se një pjesë e rrugës duhet ta kalojmë nën mentorimin e Komisionit Evropian, thotë kryetari i Odës Ekonomike të Maqedonisë së Veriut, Branko Azeski.
“Ju jeni shpresa për njëqind mijë kompanive në Ballkan dhe përgjegjësia juaj është në nivelin më të lartë të mundshëm. Shumë herë më parë keni krijuar precedentë në dëm të vendeve të vogla dhe shpresave të tyre. Bëni lëvizjet e duhura, mbani biznesin në Ballkanin Perëndimor dhe hapni perspektivë. Mos lejoni që konkluzionet të mbeten shkronjë e vdekur në letër”, kërkon Azeski.
Ai përkujton se udhëzimet e BE-së janë krijimi i një tregu rajonal në Ballkanin Perëndimor, i cili duhet të integrohet me BE-në përmes Bashkësisë ekonomike evropiane (BEE), dhe ne si shtet, potencoi Azeski, kemi përmbushur kriteret minimale të Kopenhagës që janë baza për fillimin e negociatave me BE-në dhe ne po punojmë fort për t’i nisur ato.
“Më në fund këtë javë rikthehet në Berlin, Samiti i liderëve të BE-së me Ballkanin Perëndimor, i ashtuquajturi Procesi i Berlinit (3 nëntor 2022). Kemi humbur shtatë vite duke u endur nëpër kryeqytetet evropiane, sikur të mos e dinim që vendimet merreshin në Berlin. Prandaj, vitin e kaluar më 1.11.2021, nën titullin “BE-ja DHE NE – BULGARIA DHE ATA”, shprehëm qartë kërkesën për kthimin e Procesit të Berlinit në Berlin, sepse siç kishte filluar, do të kishte përfunduar në La Valeta ( Maltë). Dhe kthimi në Berlin solli menjëherë rezultate konkrete. Njoftimi i Samitit përfshin nënshkrimin e disa marrëveshjeve, të cilat vetëm sa vazhdojnë të konfirmojnë nevojën për lidhje rajonale. Do të miratohet udhëtimi me letërnjoftime në të gjithë rajonin e Ballkanit Perëndimor, brenda rajonit do të njihen kualifikimet profesionale të doktorëve të mjekësisë dhe stomatologjisë dhe të arkitektëve, në një format që do të heqë pengesat e legjislacionit kombëtar, si dhe do të thjeshtohet edhe procesi i nostrifikimit të diplomave të arsimit të lartë në të 6 vendet e Bankës Botërore. Është paralajmëruar edhe anulimi i regjimit të vizave ndërmjet Kosovës dhe Bosnjë e Hercegovinës”, thekson Azeski në mesazh.
