Arsenali e ka prioritet transferimin e Gabriel Jesus

Gabriel Jesus pritet të jetë ndër futbollistët e parë që do të largohet nga Manchester City gjatë afatit kalimtar veror.

Ardhja e Erling Haaland i pakëson edhe më shumë minutat brazilianit nën drejtimin e trajnerit Pep Guardiola.

Reprezentuesi brazilian po kërkohet me ngulm nga Arsenali dhe tanimë ka pasur bisedimeve mes drejtuesve londinez dhe agjentit të lojtarit.

Ka qenë vet agjenti i Gabriel Jesus, Marcello Pettinati që ka thënë se kanë pasur biseda me drejtuesit e Arsenalit.

“Ne kemi biseduar me Arsenalin. Është një projekt që na pëlqen dhe është një mundësi reale për të cilën jemi duke diskutuar”.

“Megjithatë, janë edhe gjashtë skuadra të tjera të interesuara për sulmuesin brazilian. Le të shohim në fund të sezonit se çfarë do të ndodhë”, u shpreh Pettinati për The Guardian.

City është gati ta shes yllin brazilian dhe synon që nga largimi i tij të fitoj 50 milionë euro.

25-vjeçari këtë edicion ka zhvilluar 39 ndeshje me Cityn në të gjitha garat, ku ka shënuar 13 gola e ka asistuar në 12 të tjerë.