Shkup, 11 shkurt – Ish kryetarja e Tetovës, Teuta Arifi, sot në emisionin “Utrinski Brifing” i dërgoi porosi kryetarit aktual të TEtovës, Bilall Kasamit, se i njejti duhet të meret me komunën dhe punën e tij dhe jo me të.
Pas tre muajve heshtje, sot Teuta Arifi foli për akuzat nga Kasami duke thënë se ai nuk di të menaxhojë me problemet e komunës, informon Zhurnal.
“Kryetari aktual vazhdon të udhëheqë fushatë parazgjedhore edhe pse tanimë është kryetar. Më vjen keq që përshkak faktit që nuk di të menaxhojë me problemet e qytetit të cilat realisht janë të mëdha, ai meret me mua. Sa i përket akuzave se ka patur 800 njerëz të punësuar me kontrata në vepër, gjithsesi se nuk ka një gjë të tillë. JAnë bërë pagesa të personave në komisione të ndryshme por nuk bëhet fjalë për punësime, por për angazhime të kryera për komunën. Nuk është korrekte të zvarriten emrat e njerëzve në opinion”, thotë Arifi.
Ajo shton se komunën e ka trashëguar me borxhe dhe gjithë këto vite ka punuar me këtë borxh dhe e ka menaxhuar komunën, mirëpo siç shprehet, qytetarëve nuk u intereson si e ka trashëguar por funksionimi i komunës.
“Përshkak paaftësisë të jep rezultate ai meret me mua. Merita e tij më e madhe deri tani është që hoqi korsitë e biçikletave. Të heqë 6 kilometra korsi të biçikletave në një qytet të stërndotur nuk është veprim i mirë. Arritja e tij e dytë është ndalimi i transportit publik që sapo kishte filluar ndërsa e treta është shtrenjtimi i parkingjeve për të cilat në fushatë thoshte se do të jenë falas”, thotë Arifi./Zhurnal.mk
