Takimi mes ministrave të Punëve të Jashtme të Kinës dhe Japonisë, Vang Ji dhe Joshimace Hajashi është anuluar për shkak se Pekini nuk është i kënaqur nga kumtesa e përbashkët e G-7 dhe BE-së për Tajvanin, ku i bëhet thirrje Kinës për të zgjidhur tensionet në mënyrë paqësore.
Vang dhe Hajashi duhej do të takohen në margjinat e Samitit të Shoqatës së kombeve të Azisë Juglindore (SSHAJ) që po mbahet në kryeqytetin kamboxhian, Pnom Pen.
Zëdhënësi i Ministrisë së Jashtme kineze deklaroi se Pekini e anuloi takimin sepse deklarata e përbashkët e G-7 dhe BE-së “fajëson pa bazë Kinën dhe shtrembëron gjendjen reale të punëve”.
Ai gjithashtu deklaroi se nëse vendet anëtare të G7 nuk ndryshojnë “qëndrimin e tyre të gabuar” në lidhje me Tajvanin, Kina mund të rishqyrtojë qëndrimin e saj ndaj dialogut me ta. Sipas tij, stërvitjet ushtarake të Pekinit pranë Tajvanit janë një paralajmërim për provokatorët, ndërsa Kina nuk do të dëmtojë ata që nuk e mbështesin pavarësinë e ishullit me veprimet e tyre.
