Shkup, 17 gusht – Në gjysmën e parë të këtij viti, më të shumta janë kërkesat për pagesën e dëmeve nga përgjegjësia automobilistike dhe për për pasurinë e siguruar. Rritjen më të madhe e ka numri i ankesave me të cilat siguruesit ankohen për afatin në të cilin kompanitë shlyejnë dëmet, tregojnë analizat e Agjencisë së mbikëqyrjes së sigurimeve (AMS).
Nga atje, sot kanë bërë të ditur se kanë pranuar 135 ankesa policëmbajtësit që ankohen për shërbimet e shoqërive të sigurimit dhe brokerimit në gjashtëmujorin e parë të këtij viti, ndërsa numri i ankesave për të cilat kanë vepruar është rritur për 65 për qind krahasuar me të njëjtën periudhë të vitit të kaluar.
Në bazë të ankesave të proceduara kanë konstatuar lëshime në veprimet e dy kompanive të sigurimit, për të cilat kanë shqiptuar edhe gjoba. Në këtë periudhë, të siguruarit janë ankuar më së shumti për realizimin e të drejtave të tyre për dëmshpërblim sipas policave të sigurimit të përgjegjësisë automobilistike dhe pronësore.
“Në favor të të siguruarve AMS-ja ka zgjidhur 21 ankesa, që është 31 për qind më shumë se e njëjta periudhë e vitit të kaluar. Siç pritej, numri më i madh, pra 12 nga ankesat e zgjidhura pozitivisht, janë për sigurimet e përgjegjësisë automobilistike, klasa më masive e sigurimeve. Në favor të të siguruarve janë zgjidhur 4 kërkesa për pasuri të siguruar, 2 kërkesa për sigurim aksidentesh dhe një ankesë për sigurim shëndetësor privat, sigurim jete dhe sigurim kasko”, qëndron në kumtesë.
Në proces të zgjidhjes janë 23 ankesa ndërsa 16 janë tërhequr nga parashtruesit. Në 16 raste, AMS-ja ka konstatuar se parashtresat janë të pabazuara, ndërsa negativisht janë zgjidhur 59 prej tyre.
Sipas AMS-së sa i përket llojit të sigurimit, siç pritej, të siguruarit më së shumti ankohen për shërbimet në klasën më të njohur – sigurimin e automjeteve. AMS-ja, nga kjo klasë sigurimesh, ka trajtuar 47 ankesa, ndër të cilat më të shumtat, pra 26 ankesa, janë për procedurat e kompensimit duke plotësuar një raport evropian.
Në gjysmën e parë të vitit janë paraqitur 26 kërkesa për pasuri të siguruara. Në këtë klasë vërehet një rritje më e madhe e parashtresave krahasuar me të njëjtën periudhë të vitit të kaluar dhe arrin në 160 për qind. Arsyeja më e zakonshme për paraqitjen e një ankese gjatë kësaj periudhe është baza apo kriteri mbi të cilën kompanitë paguajnë dëmet. Për gjashtë muajt e parë janë pranuar 50 ankesa të tilla.
Rritja më e madhe e ankesave është për shkak të afatit në të cilin shoqëritë trajtojnë dëmet e raportuara nga të siguruarit. Për këta gjashtë muaj janë parashtruar 23 ankesa, kurse për të njëjtën periudhë të vitit të kaluar ka pasur vetëm 4 parashtresa të tilla.
Numri i personave të siguruar – persona fizikë është rritur me 58 për qind dhe ka arritur në 106.
Gjatë kësaj periudhe, 22 persona juridikë kanë paraqitur aplikime për shërbime nga siguruesit e tyre. Numri i parashtresave të dorëzuara nga personat e siguruar – persona juridikë, këtë vit krahasuar me vitin e kaluar është më i lartë për 47 për qind.
Parashtresa apo ankesa në AMS-së bëhet nëse i siguruari nuk është i kënaqur me përgjigjen e shoqërisë së sigurimeve për të arkëtueshmet e dëmit ose nuk ka marrë përgjigje brenda 30 ditëve. AMS-ja nuk shqyrton ankesa anonime apo rastet për të cilat zhvillohen procedura gjyqësore apo procedura të tjera.
