Talebanët në Afganistan sot ndaluan kultivimin e afionit dhe bimëve tjera nga të cilat fitohen lëndë narkotike.
“Sipas dekretit të liderit suprem të Emirateve Islamike të Afganistanit, të gjithë afganët janë informuar se tani e tutje kultivimi i afionit është rreptësisht i ndaluar në të gjithë vendin”, thuhet në urdhrin e liderit suprem të talebanëve Haibatullah Akunajada.
Shkelësit do të ndiqen penalisht sipas ligjit të Sheriatit dhe të korrat do të asgjësohen.
Gjithashtu ndalohet edhe përdorimi ose transporti i drogave narkotike.
Kombet e Bashkuara thonë se prodhimi i opiumit në Afganistan është rritur muajt e fundit.
