Shkup, 30 mars – Kryeministri Dimitar Kovaçevski, së bashku me zëvendëskryeministrin e parë Artan Grubi, zëvendëskryeministri për Çështje Ekonomike, Fatmir Bytyqi, zëvendëskryeministrin për Çështje Evropiane Bojan Mariçiq, ministrat e Qeverisë, të Punëve të Jashtme Bujar Osmani, të Punëve të Brendshme Oliver Spasovski, të Drejtësisë Nikolla Tupançevski, të Arsimit dhe Shkencës Jeton Shaqiri, Bujqësisë, Pylltarisë dhe Ekonomisë së Ujërave Lupço Nikolovski, të Shoqërisë Informative dhe Administratës Admirim Aliti, zëvendësministri i Mbrojtjes Bashkim Hasani dhe zëvendësministri i Shëndetësi Vladimir Rendevski sot morën pjesë në ceremoninë ku u prezantuan rezultatet e regjistrimit të popullsisë në vitin 2021.
Për rezultatet, siç theksoi pres-shërbimi qeveritar, si dhe për përfitimet nga metodologjia e re, para të pranishmëve, mes të cilëve edhe kishte edhe përfaqësues të agjencive, institucioneve dhe organizatave, si dhe delegacione të enteve të statistikës dhe instituteve nga vendet e rajonit dhe përfaqësues të korit diplomatik në Maqedoninë e Veriut, folën drejtori i Entit shtetëror të statistikës Apostoll Simovski, zëvendësdrejtori i ESHS Ilmi Selami dhe eksperti për përpunimin e të dhënave Danillo Dolenec nga Sllovenia.
“Regjistrimi i popullsisë, amvisërive dhe banesave, i cili u krye në periudhën nga 5 shtatori deri më 30 shtator të vitit të kaluar, siç u tha në ceremoni, pas gati 20 vitesh është realizuar me sukses dhe jep informacion përkatës për gjendjen reale të vendit. popullatës, pra shtetit i mundësohet krijimi i politikave në interes të qytetarëve dhe biznesit. Të dhënat e Regjistrimit janë vlerësuar si të besueshme, të vlefshme dhe të dobishme për planifikimin e politikave”, thuhet në kumtesën e Qeverisë, duke shtuar se të gjitha të dhënat e regjistrimit janë postuar në ueb-faqen e ESHS dhe do të publikohen në periudhën e ardhshme pas grumbullimit të të dhënave.
