Shkup, 16 shtator – Ministri i jashtëm në vend, Bujar Osmani, sot në një konferencë për media ka njoftuar emrat e tre ambasadorëve të rinj të cilët duhet së shpejti të fillojnë detyrën e tyre në vendet ku janë caktuar si ambasadorë, ifnormon Zhurnal.
Ambasador i ri në Bruksel, siç njoftoi Osmani, është Zufi Ismaili. Viktor Dimovski pritet të shkojë në Francë, Paris, ndërsa Zekir Ramçiloviq do të ikë në Podgoricë, Mal të Zi.
“Kemi edhe tre emra të rinj, megjithatë ata janë në fazë kur presim agreman, me vendim të Qeverisë ditëve të fundit, por megjithatë emrat e tyre nuk do të mundem t’i komunikojë sepse duhet të përfundojë procedura e marrjes së agremanit. Bëhet fjalë për ambasadorin e ri në Bern, konsullin e përgjithshëm në Munich dhe konsullin e përgjithshëm në Toronto”, tha Osmani../Zhurnal.mk
