Shkup, 30 maj – Moti paradite do të jetë me vranësira mesatare, ndërsa pasdite i paqëndrueshëm me shi të rrëmbyeshëm lokal, bubullima dhe erë të përforcuar. Në disa vende do të ketë procese më intensive në formë të motit afatshkurtër me erë të fuqishme dhe paraqitje të izoluar të breshrit. Temperatura minimale do të jetë në interval prej 8 deri 14, ndërsa ajo maksimale do të lëvizë prej 21 deri 27 gradë.
Në Shkup paradite me vranësira mesatare, pasdite në disa lugina moti do të jetë i paqëndrueshëm me shi të rrëmbyeshëm, bubullima, erë të përforcuar dhe kushte për paraqitje të izoluar të breshrit. Temperatura minimale do të bie deri në 13, ndërsa ajo maksimale do të mbërrijë 26 gradë.
Ndikimi i aktivitetit ciklonik nga juglindja do të kushtëzojë që moti edhe në ditët në vijim të jetë paradite me më shumë diell, ndërsa pasdite mot i ndryshueshëm me vranësira me shi të rrëmbyeshëm lokal dhe bubullima. Në disa vende proceset do të jenë më intensive në formë të motit të keq afatshkurtër me shi intensiv, erë të fuqishme, shkarkime elektrike dhe paraqitje të breshrit.
