Meta pret në Presidencë nipin e Ismail Qemalit: Pres me padurim botimin e librit mbi historinë 1,000 vjeçare të familjes Vlora

Presidenti i Shqipërisë, Ilir Meta ka pritur sot në takim Nedim Aleksandr Vlorën, nipin e themeluesit të shtetit modern të Shqipërisë, Ismail Qemalit. 

Në një njoftim në Facebook, Meta ka bërë të ditur se Nedim Vlora është duke publikuar një libër për historinë e familjes Vlora me disa dokumenta të papublikuara më parë për Ismail Qemalin.

“I lumtur të takoja ngrohtësisht Nedim Aleksandër Vlora, nipin e Atit të Pavarësisë së Shqipërisë dhe themeluesit të shtetit tonë modern, Ismail Qemali”, ka thënë Meta.

“Kënaqësi të dëgjoja prej tij për lidhjen e ngushtë që ndjente në zemër për vendlindjen e të parëve dhe akoma më bukur sesi këtë dashuri të madhe për Shqipërinë jua transmetonte nipërve e mbesës së tij, me kërkesën, që edhe në brezat e ardhshëm të ruhet tradita e trashëgimit të mbiemrit Vlora”, ka shtuar Presidenti.

“Pres me padurim botimin e librit të z. Nedim Vlora mbi historinë 1,000 vjeçare të familjes Vlora, për t’u njohur edhe me disa dokumenta të papublikuara më parë, për Ismail Qemalin”, ka theksuar Meta.

https://www.facebook.com/ilirmetazyrtar/posts/544903830338190