Ministri i Mbrojtjes Armend Mehaj ka thënë se rritja e Forcës së Sigurisë së Kosovës është rezultat i punës së përbashkët të të gjithëve nga komandanti i FSK-së, gjeneralët, oficerët, nënoficerët, por dhe ushtarët, akterët vendor, por edhe grupet këshilluese ndërkombëtare.
“Ushtritë ngriten me punë ekipore, besim në njëri-tjetrin, që buron nga vullneti i palëkundshëm për të mbrojtur çdo pëllëmb të atdheut; si thirrje e brendshme më madhore se çdo gjë tjetër; si obligim ndaj dëshmorëve dhe brezave të ardhshëm; si detyrë ndaj njerëzimit për mbrojtje të vlerave demokratike, si angazhim i përbashkët përtej dallimeve kombëtare, ngase liria njerëzore nuk kufizohet brenda një territori, dhe agresori është armiku i përbashkët dhe i vetëm që duhet të luftohet”, ka shkruar Mehaj.
Sipas Mehajt rritja e Forcës së Sigurisë së Kosovës është rezultat i punës së përbashkët të Komandantit të FSK-së, gjeneralëve, oficerëve, nënoficerëve por dhe ushtarëve, të akterëve vendor por edhe grupeve këshilluese ndërkombëtare.
“Ushtria e Kosovës destinacion final ka NATO-n, e nga aty çdo mision ndërkombëtar që ka për qëllim ruajtjen e stabilitetit, njerëzores përtej gjithçkaje”.
