Diskutim publik për draft-tekstin e “Strategjisë kombëtare për zhvillim të interkulturalizmit dhe kohezionit shoqëror 2024-2026”
Shkup, 26 janar – Diskutim publik për draft-ligjin e “Strategjisë kombëtare për zhvillim të interkulturalizmit dhe kohezionit shoqëror 2024-2026” do të mbahet sot në Klubin e Organeve të Administratës Shtetërore (Klubi i deputetëve).
Siç është bërë e ditur, do të flasin zëvendëskryeministri për Çështje Ekonomike, Koordinim të Dikastereve Ekonomike dhe Investime, Fatmir Bytyqi, ministri i Arsimit dhe Shkencës, Jeton Shaqiri, ministrja e Punës dhe Politikës Sociale, Jovanka Trençevska dhe Ana Çupeska – Stanishkovska, përfaqësuese e bashkësisë akademike.
Diskutimin publik do ta udhëheqë Robert Allagjozovski, kryetar i Organit koordinativ për përgatitjen e Strategjisë Kombëtare për Zhvillim të Interkulturalizmit dhe Kohezionit Shoqëror.
