Daut Haradinaj: Veteranët ende i kanë të njoma plagët e luftës çlirimtare, nuk meritojnë të injorohen kaq shumë

Eprori i lartë i UÇK-së, gjatë luftës, Daut Haradinaj, ka folur rreth protestës së sotme që veteranët e luftës çlirimtare kanë mbajtur para objektit të Kuvendit të Kosovës.

Ai ka shkruar se i kanë ende të njoma plagët që të injorohen kaq shumë. Haradinaj i ka vlerësuar si modeste kërkesat e veteranëve të UÇK-së dhe sipas tij mostrajtimi i tyre është mëkat kombëtar.

“Protesta paqësore e veteranëve, tregon mirë për gjenezën e krijimit të institucioneve që gëzojmë sot si shtet i ri. Mostrajtimi i kërkesave të tyre modeste është mëkat kombëtar. I kemi akoma të njoma plagët për t’i injoruar kaq shumë”, ka shkruar Haradinaj.