Ekspertët e Policisë Rrugore nuk kanë mundur ende të përcaktojnë përfundimisht shkaqet e aksidentit me 3 viktima e 4 të plagosur, të ndodhur 2 ditë më parë në Rrugën e Arbrit.
Paraprakisht, burime të policisë thanë se shkak është bërë shpejtësia e madhe, prej afro 150 kilometrash në orë, me të cilën udhëtonte Edison Lazri, i cili është arrestuar.
Ai e goditi makinën e viktimave teksa ajo po dilte nga një rrugë dytësore, duke e ndarë në dysh, pasi e kishte marrë për 120 metra zvarrë.
Lazri dhe 3 personat e tjerë të plagosur në aksident po mbahen nën mbikqyrje në spital, ku janë jashtë rrezikut për jetën.
