Shkup, 21 nëntor – Paketa e masave kundër krizës, e shpallur me pompozitet prej tre muajsh, ende nuk është gati. Ndihma duhet të dedikohet për pensionistët me të ardhurat më të ulëta, por edhe për kategoritë e tjera të rrezikuara të qytetarëve dhe ministrat përkatës prej muajsh nuk kanë zbuluar asgjë. Nuk dihet se kur do të bëhet e ditur, cilët qytetarë do të mbulohen, sa para do të marrin dhe për sa kohë do të mund t’i përdorin ato. Ministrja e Punës dhe Çështjeve Sociale thotë se gjithçka do të dihet në ditët në vijim.
“Sinqerisht, deri sa të publikohen, nuk dua të bëj ofertë se cilat kategori pensionistësh, një numër më i madh pensionistësh do të mbulohen dhe sigurisht kategori të tjera të rrezikuara të qytetarëve. Në fund të javës do të keni informacion për gjithçka që do të sjellë qeveria si paketë masash kundër krizës. Cilat kategori të qytetarëve dhe sa muaj do të jetë mbështetja”, tha Jovana Trenchevska, Ministre e Punës dhe Politikës Sociale
Trençevska nuk pret zgjidhje për pensionin minimal deri në fund të muajit. Çështja ishte komplekse, ndaj duhej më shumë kohë.
E në pritje të përllogaritjeve të grupit punues, komuna Qendër ofron ndihmë konkrete për pensionistët me të ardhura deri në 20.122 denarë. Sipas parimit “i pari i ardhur, i pari shërbehet”, ata do të mund të marrin 2000 denarë ndihmë të njëhershme.
“Mënyra e aplikimit është e lehtë dhe e thjeshtë. Në zyrat tona, dorëzohet çeku me shumën e pensionit, kartën e identitetit dhe një llogari transaksioni në të cilën mund të transferojmë fondet si komunë. Paratë do të paguhen gjatë muajit dhjetor, para festave të Vitit të Ri”, thotë Goran Gerasimovski, kryetar i Komunës Qendër.
Për këtë qëllim nga arka e komunës janë ndarë 3 milionë e gjysmë denarë. Thirrja është e hapur nga sot deri më 6 dhjetor.
Sipas të dhënave publike, pensionistët tek ne janë më të varfërit në rajon. Pensioni mesatar më i lartë është Mali i Zi – 464 euro. Aty pensioni minimal është 300 euro, pikërisht ashtu siç kërkojnë pensionistët tanë. Pasohet nga Kroacia me 449, Bosnja dhe Hercegovina me 344 dhe Serbia me rreth tridhjetë euro më shumë se pensioni mesatar tek ne.
