Hapi 8 llogari false në rrjetet sociale duke përdorur emra të personave të tjerë, arrestohet 31-vjeçari në Elbasan

Një 31-vjeçar është arrestuar nga policia e Elbasanit, pasi hapi 8 llogari false në rrjetet sociale duke përdorur emra të personave të tjerë.

Në kuadër të operacionit policor të koduar ‘Kredencialet’, ua arrestuar A. T., 31 vjeç, banues në fshatin Shijon, Elbasan. 

Sipas policisë rezultoi se 31-vjeçari, gjatë periudhës tetor 2022-shtator 2023, ka krijuar 8 llogari false, duke përdorur në kundërshtim me ligjin, të dhëna të shtetasve të tjerë.