Departamenti Amerikan i Shtetit ka kërkuar që tre policët e marrë penge nga serbët të lirohen menjëherë dhe pa kushte.
Zëdhënësi i DASH tha para gazetarëve se Kosova dhe Serbia duhet të ndërmarrin hapa të menjëhershëm për të de-përshkallëzuar tensionet.
“Ne besojmë se Kosova dhe Serbia duhet të ndërmarrin hapa të menjëhershëm për të ulur tensionet,” u tha gazetarëve zëdhënësi i Departamentit të Shtetit, Matthew Miller.
Serbia pretendon se tre policët janë arrestuar në territorin e tyre, gjë e cila mohohet me forcë nga Prishtina zyrtare, e cila i referohet rastit si pengmarrje.
