Zëdhënësi i Ministrisë së Jashtme të Kinës Wang Wenbin shprehu kundërshtimin e vendosur ndaj deklaratës së ShBA-së që ta inkurajojë Organizatën Botërore të Shëndetësisë që ta ftojë Tajvanin si vëzhgues në Asamblenë Botërore të Shëndetësisë të sivjetme.”Pjesëmarrja e rajonit të Tajvanit në veprimtaritë e organizatave ndërkombëtare, përfshi Organizatën Botërore të Shëndetësisë, duhet të përputhet me parimin e ‘Një Kine’,” theksoi ai.
Zëdhënësi shtoi se, për shkak që autoritetet e Partisë Demokratike Progresive nuk pranojnë Konsensusin e vitit 1992, që mishëron parimin e “Një Kine”, duke prishur bazën politike të konsultimeve ndërmjet dy brigjeve të ngushticës, nuk ekziston baza politike për pjesëmarrjen e rajonit të Tajvanit në Asamblenë Botërore të Shëndetësisë. Kina i kërkon ShBA-së që të ndalojë trumbetimin e çështjes së Tajvanit nëpërmjet Asamblesë Botërore të Shëndetësisë. Përpjekjet për të luajtur “kartën e Tajvanit” dhe “për ta përdorur Tajvanin për të frenuar Kinën” me siguri do të dështojnë, u shpreh zëdhënësi i diplomacisë kineze Wang Wenbin.
