Kontrollet në shtëpinë e Martinajt, Hoxha: Nuk e kuptoj pse u bë, i habitur që kanë gjetur aq pak armë

“Gjallë apo i vrarë”, rikthehet dilema e shumë të kërkuarit të drejtësisë, Ervis Martinaj pas kontrollit në shtëpinë e tij më 26 Dhjetor të vitit 2022, 8 muaj pasi Martinaj u shpall në kërkim si person që kishte porositur vrasjen e Endrit Dokles dhe 4 muaj nga denoncimi si i zhdukur nga familjarët.

Atje u gjetën 2 automatikë, 1 silenciator dhe rreth 7 mijë fishekë luftarakë të kalibrave të ndryshëm të fshehura në koshere bletësh. Në banesë kishte edhe 9 uniforma policie, jelekë dhe sende të tjera të uniformave blu.

Në lidhje me kontrollet në shtëpinë e Martinajt, Artan Hoxha i ftuar në emisionin “Opinion” në Tv Klan është shprehur se “nuk e kupton pse ndodhi pas kaq shumë kohësh” teksa shton se “është i habitur që janë gjetur aq pak armë”.

Hoxha bën thirrje që SPAK të merret posaçërisht me këtë rast dhe jo si vijim i disa ngjarjeve të tjera.