Ruskoska përsëri kandidon për Prokurore drejtuese e Prokurorisë për krim të organizuar dhe korrupsion
Shkup, 20 Tetor – Në krye të Prokurorisë për Krim të Organizuar sërish kandidohet prokurorja dhe ish-drejtuese e Prokurorisë për krim të organizuar dhe korrupsion, Vilma Ruskovska.
Ajo thotë se pret mbështetje nga kolegët e saj. Ajo sot tha se pezullimin e saj si dhe kallëzimin penal e sheh si presion ndaj saj dhe ndaj të gjithë prokurorëve publikë që të kenë kujdes se ndaj kujt do të iniciojnë procedurë.
Ruskovska ka dhënë deklaratë në Prokurori, pas kallëzimit penal për keqpërdorim të detyrës zyrtare gjatë bastisjes së kryer më 18 korrik të këtij viti në Administratën e Policisë Financiare nga Prokuroria Publike – QKK. “Kam dhënë deklaratë pas kallëzimit penal nga Administrata e Policisë Financiare për keqpërdorim të pozitës dhe autoritetit zyrtar dhe për gjoja falsifikimin e dokumenteve. Ky është një hetim dhe unë jam hetuar si i dyshuar. Pres që lënda të refuzohet”, tha Ruskovska.
Ajo tha se nuk kishte inspektuar provat dhe nuk dinte se cilat prova ishin mbledhur, përveç se dinte për pjesë të rastit që ishin siguruar nga Krimi i Organizuar. Kallëzimi është dorëzuar nga Administrata e Policisë Financiare më 8 gusht, ndërsa i dëmtuari është Arafat Muaremi.
Në Prokurorinë Themelore Publike Shkup është dorëzuar kundër prokuroreve Vilma Ruskovska, Ivana Trajçeva dhe Elizabeta Josifovska për “keqpërdorim të pozitës dhe autoritetit zyrtar” për bastisjen në Drejtorinë e Policisë Financiare të kryer më 18 korrik të këtij viti.
