Marrëdhënia e re e dashurisë që ka lindur mes Gerard Piqué dhe Clara Chía nuk është më sekret dhe, përveç kësaj, mbrojtësi i Barcelonës ka hedhur një hap më tej së fundi. Çifti nuk fshihet më dhe së fundi janë parë duke darkuar në restorante të ndryshme në Barcelonë.
Tani, sipas emisionit televiziv amerikan “El Gordo y la Flaca”, Gerard Pique i ka marrë fëmijët e tij për të kaluar disa ditë në shtëpinë e futbollistit në Cerdanya. Disa paparacë të zgjuar i kanë fotografuar. Në programin televiziv kanë shkuar një hap më tej dhe kanë komentuar se “fëmijët e Shakirës tashmë jetojnë me të dashurën e Piqué”.
Ata kanë guxuar të publikojnë edhe imazhet e mëposhtme ekskluzive të Milan dhe Sasha duke luajtur me çiftin e ri dhe qenin e Gerard në shtëpinë e tij në La Cerdanya.
Me sa duket këto do të ishin imazhet e para të çiftit të ri të formuar nga Clara Chía dhe Gerard Piqué, duke luajtur me fëmijët e futbollistit dhe Shakirës. E vërteta është se personi që supozohet të jetë Clara del nga pas dhe është e vështirë të identifikohet duke pasur parasysh cilësinë e imazheve. A është vërtet Clara Chía gruaja në foto?
