Shkup, 21 shtator – Mbi 400.000 nxënës, mësimdhënës, punonjës të shkollave dhe prindër janë përfshirë në projektin e USAID-it për integrim ndëretnik të të rinjve në arsim, i cili është zbatuar gjatë pesë viteve e gjysmë në bashkëpunim me institucionet arsimore dhe të gjitha shkollat fillore dhe të mesme dhe komunat në mbarë vendin.
Projekti që synonte forcimin e kohezionit ndëretnik në shkolla, edukimin qytetar dhe pjesëmarrjen e të rinjve përfshinte më shumë se 5.000 aktivitete në nivel shkollash dhe komunitetesh lokale dhe krijoi mundësi për ndërveprim ndërmjet nxënësve nga bashkësitë e ndryshme etnike dhe inkurajimin e kreativitetit dhe pjesëmarrjes së të rinjve. Nxënësit u përfshinë në një sërë aktivitetesh – nga ekologjia dhe sportet tek ndihma dhe mbështetja e të moshuarve. Një nga përfitimet e projektit është vendosja e lëndës Edukatë Qytetare në shkollat fillore dhe të mesme profesionale.
Në kuadër të projektit, me mbështetjen financiare të Komandës Evropiane të SHBA-së (EUKOM), u rinovuan edhe 60 shkolla, të cilat përmirësoi ndjeshëm kushtet e mësimdhënies për më shumë se 42.000 nxënës dhe mësues.
Erik Mejer, zëvendësshef i misionit në Ambasadën amerikane në Shkup, përgëzoi të gjithë pjesëmarrësit në projekt të cilët kontribuan në përfshirjen e integrimit ndëretnik në shkolla dhe në shumë aktivitete jashtëshkollore, duke theksuar se fokusi i projektit është praktika e vlerat qytetare me qëllim që shkolla ta bëjë atë një vend më të mirë dhe të përmirësojë shoqërinë.
Në ngjarjen me të cilën u shënua mbyllja e projektit të USAID-it, i organizuar simbolikisht në Ditën Ndërkombëtare të Paqes, përmes një diskutimi rinor dhe një programi argëtues, u prezantuan të arriturat në kuadër të projektit, me theks zëri i të rinjve dhe duke mbështetur idetë dhe iniciativat e tyre për ndryshime pozitive.
