Banka Popullore: Kursi fiks i denarit është mekanizëm për disiplinë makroekonomike dhe pritshmëri stabile
Kursi fiks i denarit u jep qytetarëve, firmave dhe kompanive stabilitet në shlyerjen e kredive të lidhura me euron, si dhe ndihmon në shmangien e fluksioneve të larta të çmimeve si pasojë e çmimeve të importit, thuhet në postimin e Bankës Popullore në Fejsbuk.
Në njoftim thuhet se kursi stabil i denarit është mekanizëm për disiplinë makroekonomike dhe për pritshmëri stabile dhe se Banka Popullore do ta mbajë kursin e denarit me të gjitha instrumentet në dispozicion.
“Duhet të kemi parasysh se ekonomia e Maqedonisë së Veriut pasqyrohet me nivel të lartë të tregtisë së jashtme, që nënkupton ndjeshmëri më të madhe ndaj mjedisit të jashtëm, duke përfshirë ndryshimet në kursin e këmbimit të valutës vendore në raport me valutat e huaja. Me kurs këmbimi fleksibël, do të nënkuptonte transferim relativisht të shpejtë dhe domethënës të efekteve të ndryshimeve të kursit të këmbimit në çmimet vendore, duke pasur parasysh pjesmarrjen e lartë të produkteve të importuara. Pasqyrë tjetër është se ekonomia jonë është debitor-neto ndaj jashtë vendit, gjë që është edhe pasqyrë e natyrshme për një vend në këtë fazë zhvillimi që ka nevojë për kapital shtesë. Me kurs fleksibël të këmbimit, zvogëlimi hipotetik i vlerës së denarit do të çonte në shumë më të madhe të borxhit dhe vështirësi të mundshme në shërbimin e borxhit ekzistues. Njëkohësisht, në kushtet e një niveli ende relativisht të lartë të euroizimit të ekonomisë tonë, ndryshimet në kursin e këmbimit do të rezultonin edhe me borxh më të madh të popullsisë dhe kompanive, duke pasur parasysh përfaqësimin e gjitha kredive valutore (përfshirë kreditë në denarë me klauzolë valutore) në kredi të përgjithshme”, thuhet në postim.
Me mbajtjen e kursi stabil të denarit, thonë nga Banka Popullore, ekonomia mbrohet nga flukset e tepërta të çmimeve dhe rritja e borxhit në valutë të huaj dhe sigurohet pritshmëritë stabile të tregut, dhe e gjithë kjo po ashtu që ofron mjedis më të favorshëm për rritje ekonomike.
