Të paktën 26 persona llogariten të zhdukur, ndër të cilët ka edhe fëmijë, në vërshimet rekorde që ditëve të fundit kanë përfshirë disa pjesë të Kentakit lindor. Numri i viktimave pritet të rritet.
Këtë mbrëmë e deklaroi guvernatori Endi Beshir, i cili theksoi se ekipet e shpëtimit janë në terren dhe vazhdojnë me punë në ditët dhe javët në vijim.
“Janë shkaktuar dëme materiale lokale, shumë familje janë detyruar të largohen nga shtëpitë e tyre dhe gjatë ditëve në vijim priten më shumë reshje të rrëmbyeshme”, ka shkruar guvernatori në Tuiter.
“E di që janë gjetur edhe disa trupa dhe e dimë se numri i tyre do të rritet”, deklaroi guvernatori në një intervistë për “En-Bi-Si Njuz”.
