Irani ka aplikuar për anëtarësim në grupin BRIKS, lajmërojnë mediat iraniane.
Zëdhënësi i Ministrisë së Punëve të Jashtme të Iranit Said Hatibzadeh shfaqi shpresë se anëtarësimi i Iranit në BRIKS do të sjellë “përfitime shtesë” për të gjitha palët.
Në të njëjtën kohë, zëdhënësja e Ministrisë së Punëve të Jashtme të Rusisë Maria Zaharova njoftoi se edhe Argjentina kishte aplikuar për anëtarësim në BRIKS.
Megjithatë, autoritetet argjentinase ende nuk e kanë konfirmuar apo mohuar kandidaturën.
BRIKS është aleancë ekonomike, anëtarë të së cilës janë Brazili, Rusia, India, Kina dhe Afrika e Jugut.
