Malajzia sot paralajmëroi heqjen e dënimit me vdekje, e cila tani është paraparë për shumë vepra penale.
Ministrja e Drejtësisë, Van Xhunadi Tuanku Xhafar, tha se Qeveria do të shqyrtojë propozime për dënime të tjera për 11 vepra penale të cilat sjellin dënim me vdekje sipas ligjeve të vlefshme, si dhe për 20 vepra të tjera, për të cilat gjykatat nuk duhet, por mund të shqiptojnë dënim me vdekje.
“Vendimi për këtë çështje tregon se prioritet i Qeverisë është që të sigurojë mbrojtje dhe garantim të të drejtave për të gjithë, që e tregon transparencën e kreut shtetëror në përmirësimin e sistemit dinamik ndëshkues-ligjor”, tha Xhafar.
Kuvendi duhet të votojë për ligjin për heqjen e dënimit me vdekje pasi deputetët do të sjellin amendament.
Në Malajzi më shumë se 1.300 njerëz presin dënim me vdekje, më shumë për shkak të trafikimit me drogë. Dënimi kryhet me varje.
