Shkup, 7 qershor – Vlera e përgjithshme e eksportit të mallrave nga Republika e Maqedonisë së Veriut në periudhën janar-prill të këtij viti është 2.622.000.000 euro dhe është rritur për 15,1 për qind në krahasim me periudhën e njëjtë të vitit të kaluar, kumtoi Enti shtetëror për statistikë.
Vlera e mallrave të importuara në të njëjtën periudhë ishte 3,922,662,000 euro, që është 27.3 për qind më shumë krahasuar me vitin paraprak.
Deficiti tregtar në periudhën janar – prill 2022 arriti në 1 300 662 000 euro. Mbulimi i importit me eksport, në periudhën janar – prill 2022, ishte 66.8 për qind.
Shkëmbimi tregtar i produkteve tregon se peshën më të madhe të eksporteve e zënë katalizatorët për transportuesit me metale të çmuara ose përbërjet e tyre, kompletet e përcjellësve të ndezjes dhe të ngjashme, për automjetet, avionët ose anijet, ferronikelin dhe pjesët e sediljeve. Importet më të zakonshme janë vajrat e naftës dhe vajrat e përftuara nga mineralet bituminoze, përveç bruto, metale të tjera të grupit të platinit dhe lidhjet e tyre, të papërpunuara ose në formë pluhuri, energjia elektrike dhe metalet e çmuara në gjendje koloidale; komponimet, organike ose inorganike, të metaleve të çmuara, të përcaktuara ose të papërcaktuara kimikisht; amalgame të metaleve të çmuara.
Në periudhën janar – prill 2022, sipas vëllimit të përgjithshëm të tregtisë së jashtme, Republika e Maqedonisë Veriore tregton më së shumti me Gjermaninë, Britaninë e Madhe, Greqinë, Bullgarinë dhe Serbinë.
