Eurintegrimet, dosja jonë evropiane në atë kontekst, si dhe ngjarjet gjeopolitike në fqinjësinë më të gjerë dhe ndikimi nga invazioni rus ndaj Ukrainës, mu në politikën e zgjerimit të BE-së me vendet nga Ballkani Perëndimor, ishin në fokus të bisedimeve në takimin e sotëm të presidentit Stevo Pendarovski dhe Shtefan Holtof-Fertner, ministër për çështje evropiane dhe ndërkombëtare të krahinës federale gjermane të Rajnës Veriore-Vestfalisë.
“Presidenti Pendarovski, duke shprehur falënderim për mbështetjen e vazhdueshme dhe parimore gjermane, informoi për sfidat e fundit të cilat Maqedonia e Veriut i ka në rrugën drejt BE-së, duke cekur se hapja e negociatave inkuadruese me Maqedoninë e Veriut dhe Shqipërinë, jo vetëm që është hap i merituar dhe logjik pas vendimit të Këshillit të BE0-së në mars të vitit 2020, por në kontekstin e sotëm edhe çështje e sigurisë, kyçe për stabilitetin dhe prosperitetin e rajonit, si dhe të vetë Unionit. Pendarovski porositi se BE-ja duhet të ndërmarrë hap strategjik dhe qëndrim parimor ndaj vendeve të cilat treguan harmonizim të plotë me politikën e jashtme të Unionit, si dhe partnerët e tyre të vërtetë kredibil, duke i ndarë vlerat e njejta të botës së lirë dhe demokratike”, kumtoi Kabineti i presidentit Pendarovski.
Shefi i shtetit Pendarovski dhe ministri Holtof-Ferner konstatuan se Maqedonia e Veriut dhe Gjermania në vazhdimësi ndërtojnë marrëdhënie miqësore dhe të partneritetit.
Pendarovski me atë rast vlerësoi se bashkëpunimi me Rajnën Veriore-Vestfalinë, krahinën më të madhe federale gjermane, pa dyshim e pasuron edhe bashkëpunimi i përgjithshëm bilateral dhe lidhjet miqësore me Gjermaninë, verifikuar edhe përmes deklaratës së nënshkruar të përbashkët për bashkëpunim me Maqedonisë së Veriut dhe Rajnës Veriore-Vestfalisë. Në atë kontekst, qëndron në kumtesë, u riafirmua edhe bashkëpunimi bilateral ekonomik i cili edhe përkudnër sfidave me pandeminë, ende janë në nivel të lartë.
