Mes 6 largimeve nga Interi është edhe Asllani me shokun e tij të ngushtë
Interi po përjeton një verë me shumë ndryshime, duke filluar nga ai i trajnerit, për të vazhduar te i brezave,
Dhe do të jenë shumë lojtarë që pritet të ndryshojnë ambient gjatë kësaj vere, me grupin që do të ribëhet sipas kërkesave të trajnerit të ri, Kristian Kivu.
Sipas ‘Corrriere Dello Sport’, pasi të mbyllet firma me Anzh-Jan Boni, Interi do të fillojë të mendojë për largimet, për të bërë paksa më të lehtë punën e Kivus edhe në reparte që duken të mbipopulluara apo ku priten afrime të tjera.
Gazeta bën të ditur se janë kryesisht 6 emra të cilët klubi do të mundohet të largojë për çështje bilanci, apo hapësire për emra të tjerë.
Çalhanollu, Açerbi, Bisek, Taremi, Asllani dhe Fratezi janë 6 emrat që pritet të sakrifikohen për të mbushur arkën.
Për Asllanin e mikun e tij të ngushtë, Fratezin, bëhet fjalë gjithmonë për mundësi më të mëdha aktivizimi, pasi me afrimin e Suçiç, për ta do të ishte e pamundur në sezonin e ri që të gjenin vend në skemat e Kivu, i cili për më tepër luan me vetëm 2 mesfushorë qendre.
