Zaev: Pres që hetimi t’i tregojë të gjitha dëshmitë për cilin do në rastin “Reket”

në kategorine Maqedoni

Shkup, 14 gusht 2019 (MEDIAL) – Kryeministri Zoran Zaev deklaroi se nuk do të lejojë disa individë ta prishin pushtetin, beson në hetim themelor dhe të shpejtë për rastin “Reket”, i cili do t’i tregojë dëshmitë për, siç tha, çdo rast, duke përfshirë edhe për Katica Janevën, Zoran Zaevin dhe për cilin do qoftë. Mendon se tani nuk është momenti për zgjedhje të parakohshme duke i pasur parasysh pritjet për marrjen e datës për negociata për anëtarësim në Bashkimin Evropian, duke përsëritur se muaji tetor i vitit të ardhshëm është termini më ideal për zgjedhje.

“Besoj në hetime transparente, shumë të sakta dhe të shpejta, veçanërisht për rastet e tilla. Publikisht kam hedhur poshtë çdo lloj të spekulimeve dhe përmendje me emrin tim dhe qëndroj tërësisht pas kësaj. Kjo garniturë politike përmes pushtetit ekzekutiv ka krijuar kushte që gjyqësia, Prokuroria publike, të punojë pa pengesa pa dallim nëse ndokush ka qenë pronar i ndonjë mediumi që e ka mbështetur pushteti, sot ai është në paraburgim”, deklaroi Zaev, duke u përgjigjur në pyetje të gazetarëve në organizimin me rastin e 18 vjetorit nga nënshkrimi i Marrëveshjes së Ohrit.

Ai shtoi se prezumimi i pafajësisë duhet të respektohet pa dallim nëse dikush është nkriminuar dhe ka indikacione për dikë që është në pozitë të lartë siç është edhe prokurorja speciale publike Katica Janeva.

“Pa marrë parasysh a është ajo ose cili do kush tjetër, ligji duhet të vlejë për të gjithë njëlloj. Prandaj përsërisim vazhdimisht se presim hetim themelor, prezumimi i pafajësisë na jep obligim të gjithëve të mos e kualifikojmë dikë se është fajtor pa dëshmi, por gjithkund ku do të konfirmohen dëshmitë, secili është i involvuar me marrje parash që paraqitet në këtë skandal, gjithsecili që e ka shkelur ligjin duhet të përgjigjet”, ka thënë Zaev.

Sipas tij, garnitura aktuale politike shumë më parë ka dërguar mesazh se tek ajo nuk ka kalkulime politike, duke përmendur se edhe tek të gjitha shtetet të cilat kanë krijuar kushte që organet e përndjekjes ta kryejnë punën, proceset nuk ishin të lehta, por traumatike. Edhe tek ne nuk është e lehtë dhe është traumatike, por kështu do të jemi shtet juridik i cilin e dëshirojmë të gjithë, ka thënë Zaev.

Lidhur me spekulimet, siç tha, të cilat shkojnë deri atje, duke tentuar ta involvojnë në rast, porositi se ka ardhur në pushtet falë votës së qytetarëve, duke luftuar për liri, demokraci, shtet ligjor, qeverisje të të drejtës dhe vend normal dhe se do të vazhdojë të luftojë për ato vlera.

“Unë jam njeri luftëtar dhe do të vazhdoj të luftoj për këto vlera deri në fund derisa qytetarët më japin pozitë. Natyrisht se nuk do të lejoj disa kriminelë, një gazetar kapriçoz dhe të më falë LGBT komunitet një ‘peder’ ta rrëzojë këtë Qeveri nga pushteti. Jo. Do të luftojmë deri në fund sepse gjithkush që është involvuar natyrisht do të mbajë përgjegjësi”, ak thënë Zaev.

I pyetur nëse mendon se Janeva e ka nervozuar tha se “për të është idiotike ngjarja tani për tani në pajtim me dëshmitë e deritanishme”. “Pres që hetimi t’i tregojë dëshmitë për secilin rast, duke përfshirë për Katica Janevën, Zoran Zaevin, për secilin rast. Absolutisht vetëm kështu do të tregojmë se ka qeverisje të të drejtës”, ka thënë Zaev duke theksuar se edhe populli pret zgjidhje të cilën mendon se do ta sjell hetimi dhe e tërë pjesa tjetër, siç theksoi, është politikëbërje dhe politikë. .

Изјави по одбележувањето 18 години Рамковен договор

Posted by MИА.mk on Вторник, 13 август 2019

 

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.