Zaev në FB: Voto që së bashku ta ndërtojmë të ardhmen

Shkup, 12 korrik 2020 (MEDIAL) – Më 15 korrik dil dhe voto që së bashku ta ndërtojmë të ardhmen tonë, ka shkruar pasdite në Fejsbuk lideri i LSDM-së Zoran Zaevi në ditën e fundit të fushatës zgjedhore.

“Në mandatin e ardhshëm sigurojmë 2 miliardë të reja për ndërtimin e rrugëve, të cilat janë për 260 kilometra autostrada  të reja, 300 kilometra rrugë të shpejta, 950 kilometra rrugë lokale dhe rikonstruktim të mbi 1.500 kilometra akse ekzistuese rrugore. Investojmë edhe në 500 kilometra ujësjellës  dhe kanalizim të ri në vlerë prej 100 milionë euro. Në mënyrë ekonomike e planifikojmë të ardhmen e përbashkët”, thekson Zaevi në statusin e publikuar në profilin e tij në Fejsbuk. ar/