Viagra mund të jetë e dobishme në trajtimin e sëmundjes së Alzheimerit, thonë studiuesit amerikanë

Pilula nga Viagra mund të jetë një trajtim i dobishëm kundër sëmundjes së Alzheimerit, thonë studiuesit amerikanë që kanë studiuar efektet e saj në tru.

Sipas BBC, përcjell Telegrafi, testet në qeliza sugjerojnë se ilaçi vë në cak disa nga proteinat që grumbullohen në këtë llojë dementie.

Ekipi i Cleveland gjithashtu analizoi një bazë të dhënash me 7 milionë pacientë dhe zbuloi se burrat që merrnin ilaçin kishin një rrezik më të ulët të Alzheimerit.

Puna si kjo është emocionuese, thonë ekspertët, sepse ripërdorimi i një ilaçi ekzistues mund të jetë më i shpejtë, më i thjeshtë dhe më i lirë sesa gjetja dhe zhvillimi i një trajtimi krejt të ri.

Pilula blu

Viagra, e njohur edhe si sildenafil, fillimisht u krijua si një ilaç për zemrën për shkak të veprimit të saj kryesor – përmirësimin e rrjedhjes së gjakut duke relaksuar ose zgjeruar enët e gjakut.

Mjekët më pas zbuluan se ai kishte një efekt të ngjashëm edhe në pjesë të tjera të trupit, duke përfshirë arteriet e penisit, dhe u zhvillua në një trajtim të suksesshëm për mosfunksionimin erektil.

Por ekspertët mendojnë se mund të ketë edhe përdorime të tjera. Sildenafil përdoret tashmë tek burrat dhe gratë për një gjendje të mushkërive të quajtur hipertension pulmonar.