Shkup, 13 tetor – Me dëgjimin e dëshmitarëve të propozuar nga Prokuroria sot në Gjykatën Themelore Penale – Shkup, vazhdon gjykimi kundër ish-sekretarit të përgjithshëm të Qeverisë, Dragi Rashkovski, i cili së bashku me gjashtë persona të tjerë akuzohet për prokurim të paligjshëm të softuerit.
Në seancën e sotme u dëgjua dëshmitari Ivan Çorbev, profesor në FINKI, i cili derisa ishte dekan i fakultetit, nënshkroi memorandum bashkëpunimi me kompanitë që kontaktuan profesorin Ivica Dimitrovski nga FINKI, për bashkëpunim në softuer për përpunimin e imazheve dhe videove.
Për këtë, Çorbev tha se në atë kohë ishte vetëm “pjesërisht, sipërfaqësisht i njohur”, dhe më në detaje është njohur pasi rasti është shkruar në media.
“Nuk u interesova shumë pse nuk është e pazakontë që Fakulteti të bashkëpunojë me biznesin. Është arritur një marrëveshje dhe jam njoftuar për nënshkrimin, tha Çorbev.
Ai tregoi se kishte nënshkruar mbi 400 memorandume, të cilat nuk mundi dhe nuk i kontrolloi në detaje.
“I kontrollova sipërfaqësisht se besoj që sapo kanë mbërritur në tavolinë do të thotë kane kaluar filtrat ligjor dhe pas një lexim sipërfaqësor nga pikëpamja nëse ka detyrime dhe penalitete për fakultetin, pa ndonjë interes të veçantë për kompanitë i kam nënshkruar, tha Çorbev.
Mbrojtja e të pandehurit Rashkovski i bëri pyetje të kryqëzuara dëshmitarit për ekspertizën e profesorit që ka kryer një nga ekspertizat dhe funksionalitetin e softuerit, por ato nuk u lejuan.
Dëshmitari Kiril Samarxhioski, i punësuar si shkencëtar kompjuteri në Sekretariatin e Përgjithshëm të Qeverisë dhe anëtar i Komisionit për vlerësimin e prokurimit të softuerit për përcaktimin e shpejtësisë mesatare të automjeteve, tha se ata i kanë vlerësuar vetëm aspektet teknike të oferta.
“Nuk kishte tabelë teknike në vetë specifikim dhe nga ky aspekt nuk kishte pikë teknike për vlerësim. Kishte, siç e mbaj mend, vetëm një fjali që do të vihej në funksion, tha dëshmitari.
Dëshmitari tregoi se nuk ka marrë pjesë në vlerësimin e softuerit për identifikimin biometrik të personave.
I pyetur nëse ka pasur ndonjë trajnim në sektorin ku punon për implementimin e softuerit për matjen e shpejtësisë mesatare dhe identifikimin biometrik, dëshmitari tha se nuk mban mend ndonjë gjë të tillë.
I pyetur nga mbrojtja nëse specifikimet teknike të ofertës favorizojnë disa operatorë teknikë, Samarxhioski tha se “nuk ka udhëzime të tilla për një analizë të tillë”, dhe “roli i tij ishte vetëm analiza teknike e ofertës”.
Në pyetjen e Dragi Rashkovskit nëse personalisht ka marrë udhëzime apo kërcënime se si të veprojë gjatë vlerësimit të ofertës së softuerit, dëshmitari tha “jo, nuk ka pasur një gjë të tillë”.
Në pyetjen e Rashkovskit nëse sektori ku ka punuar dëshmitari e ka shkarkuar serverin e softuerit nga Neocom, dëshmitari tha se “nuk e di”, duke theksuar se “nuk mund të di nëse ka diçka apo jo”.
I pyetur nga Rashkovski nëse nga sektori i tij janë dhënë fjalëkalime për të hyrë në softuer, dëshmitari tha se ai “nuk ishte në dijeni për këtë” dhe se nuk kishte “udhëzime specifike të tilla”.
Në pyetjen e mbrojtjes nëse ka përdorur masa për mungesë për shkak të virusit korona gjatë periudhës kur është vënë në përdorim softueri, dëshmitari tha se “nga marsi deri në tetor 2020 ka përdorur masa”, periudhë gjatë së cilës nuk mund të dijë asgjë lidhur me softuerin.
Procesi gjyqësor udhëhiqet nga gjyqtarja Fanka Jançuleva Mihailovska, ndërsa përfaqësuese e prokurorisë është Ivana Trajçevska.
Sipas aktakuzës, Rashkovski akuzohet për veprat penale “Keqpërdorim i pozitës dhe autoritetit zyrtar” dhe “Larje e parave dhe produkteve të tjera nga vepra penale”.
Personat I.D, I.H, D.S. I.I. I.I, dhe M.S akuzohen për “Keqpërdorim të pozitës dhe autoritetit zyrtar”.
