Përveç Kosovës A, sot në aksion rikthehen edhe Kosova U21, U19 dhe U17

Përveç Përfaqësueses A të Kosovës, sot (e martë) do të luajnë edhe Kosova U21, U19 dhe U17.

Kosova U21 do të takohet me Republikën e Çekisë në kuadër të kualifikimeve për Kampionatin Evropian 2023.

Kjo ndeshje do të zhvillohet nga ora 18:00 në ”Strelecky Ostrov”.

Kosova U19 sot do të zhvillojë ndeshjen kualifikuese për Kampionatin Evropian “Sllovakia 2022”, teksa do të takohet me Uellsin U19 në Norvegji. Kjo ndeshje do të fillojë në ora 15:00.

Kurse, Kosova U17 sot do të takohet me Ishujt Faroe të grupmoshës U17. Kjo ndeshje është e vlefshme për kualifikime në Kampionatin Evropian ”Izraeli 2022”.

Takimi mes U17-shave të Kosovës dhe Ishujve Faroe fillon në ora 15:30 dhe luhet në shtetin e Austrisë.