Skleroza multiple është sëmundje e popullatës së re, është e nevojshme qasja e duhur në trajtim
Shkup, 20 tetor – Mjekët dhe specializantët e neurologjisë është e nevojshme që problemin me Sklerozën Multiple ta kuptojnë seriozisht, të mendojnë për sëmundjen, ta dinë se është sëmundje e popullatës së re, si dhe një nga shkaqet kryesore për invaliditet te popullata e re pas traumave, tha mjeku Ivan Kuzmanovski nga ISHP klinika Universitare e Neurologjisë – Shkup.
Në ngjarjen e sotme për edukim të mjekëve të ardhshëm për Sklerozë Multiple në organizim të Asociacionit të Studentëve të Mjekësisë në Maqedoni në bashkëpunim me Shoqatën Nacionale për Sklerozë Multiple që u mbajt në Fakultetin e Mjekësisë, mjeku Kuzmanovski theksoi se në kohën e fundit sëmundja ka trajtim dukshëm më të mirë dhe po përmirësohet cilësia e jetës te pacientët me sklerozë multiple.
Sa i përket numrit të personave të cilët kanë sklerozë multiple në vend, mjeku Kuzmanovski tha se në Klinikën e Neurologjisë ka rreth 1450 pacientë të regjistruar.
“Klinika e Neurologjisë, si qendër për trajtim të sklerozës multiple në nivel të gjithë shtetit ka regjistruar 1450 pacientë, ndërsa numri është më i madh. Statistika tregon se ai duhet të jetë të paktën dyfish më i madh. Sapo u vendos në përdorim regjistri i ri për pacientë me sklerozë multiple, gjatë dy viteve të ardhshme presim që t’i regjistrojë të gjithë pacientët me sklerozë multiple”, shtoi ai.
Progres i madh vërehet edhe në trajtimin e Sklerozës multiple gjatë dhjetë viteve të fundit.
“Trajtimi i asaj forme më të rëndë aktive agresive të sklerozës multiple është përmirësuar dukshëm me ilaçe më efikase dhe me atë që këta pacientë jetojnë jetë relativisht normale”, deklaroi mjeku Kuzmanovski.
Ana Karajanova -Dimitrusheva, kryetare e Shoqatës Nacionale për Sklerozë Multiple tha se vazhdimisht angazhohen që ta përmirësojnë në çfarëdo lloj mënyre jetën e personave me sklerozë multiple.
“Jo vetëm për barnat, por edhe për trajtime të tjera si fizioterapia, ushqimi, edukimi. Kjo ngjarje organizohet si pjesë e ditëve nacionale të sklerozës multiple dhe ka për qëllim studentët dhe specializantët pasi mjekët tanë aktualë dhe specialistët kryesorë do të dalin në pension. Mirëpo, sëmundja nuk pensionohet dhe për këtë po kërkojmë që në të ardhmen të bëjmë përpjekje dhe të edukojmë vetë mjekët e rinj që të dinë se çfarë është skleroza multiple”, tha Karajanova-Dimitrusheva.
Ai shtoi se edukimi i mjekëve amë është gjithashtu i një rëndësie të madhe, sepse zbulimi i hershëm i sklerozës multiple kontribuon në diagnostikimin dhe terapinë e hershme, duke parandaluar përparimin e sëmundjes. Për këtë arsye, ajo thotë se është e rëndësishme që mjekët amë të dinë se si të zbulojnë simptomat e hershme.
Skleroza multiple është një nga çrregullimet neurologjike më të zakonshme dhe shkak i paaftësisë tek të rinjtë. Është sëmundje kronike, progresive, e ndërmjetësuar nga imuniteti, inflamatore dhe degjenerative e sistemit nervor qendror. Ndodh kur sistemi imunitar sulmon mbulesën e qelizave nervore në tru, palcën kurrizore dhe nervat optike, duke shkaktuar inflamacion dhe degjenerim të mëvonshëm.
