Adriana Matoshi dhe Keith ndajnë me fansat çastet nga darka e tyre romantike

Aktorja dhe deputetja e njohur kosovare, Adriana Matoshi, vazhdon të jetë një prej emrave më të përfolur të mediave rozë.

Ajo dhe i dashuri i saj, Keith Groeneveld, janë mjaft të ndjekur në rrjetet sociale dhe shpesh ndajnë me fansat fotografi dhe video të ndryshme nga jeta e tyre e përditshme.

Së fundmi, çifti kanë bërë të ditur se kanë shijuar një darkë romantike së bashku në një prej restoranteve të kryeqytetit.

https://www.instagram.com/p/CUGFzC5Idk3/?utm_source=ig_web_copy_link

Ka qenë futbollisti afrikano-belg ai i cili publikoi në rrjetin social Instagram një fotografi të përbashkët të çiftit, ku shihen teksa shijojnë së bashku nga një pije.

Aktorja mund të shihet mjaft e lumtur në krahët e të dashurit të ri, me të cilin është në lidhje tash e më shumë se një vit.

Foto: Adriana Matoshi/Instagram

Lidhja e çiftit u bë publike rreth një vit më parë, pas muajsh takimi të dyshes me njëri-tjetrin larg syrit të mediave.

Adriana këtë vit pati një tjetër arritje suksesi në karrierën e saj, duke u zgjedhur deputete e Parlamentit të Kosovës, në krah të Lëvizjes Vetëvendosje.