Shekerinska: Ndërtojmë ekonomi të re zhvillimore të Maqedonisë

Demir Hisar, 26 qershor 2020 (MEDIAL) – Nëse zgjidhen prioritetet e vërteta dhe nëse pushteti shtetëror bashkëpunon mirë  me pushtetin lokal,  atëherë sukseset e përbashkëta janë të dukshme, ndërsa shembull për atë është Demir Hisari. Ne ndërtojmë ekonomi të re zhvillimore të Maqedonisë dhe krijojmë kushte për  vende pune  më të mira dhe paga më të larta, theksoi Radmilla Shekerinska, bartëse e  listës së kandidatëve për deputetët e LSDM-së dhe koalicionit në NJZ 5.

Ajo përkujtoi se në trekëndëshin Manastir-Demir Hisar-Krushevë,  në infrastrukturë  janë investuar  rreth 12 milion euro.

Bartësja e listës së kandidatëve  për deputetë në NJZ 5 Radmilla Shekerinska gjatë vizitës në Komunën Demir Hisar theksoi se gjatë  korona-krizës qeveria gjatë gjithë kohës  është fokusuar  t’u ndihmojë  komunave,  subjektet ekonomike, përkatësisht një numri sa më të madh të qytetarëve.

Në takim me  kryetarin e komunës së Demir Hisarit, Marjançe Stojanovski, Shekerinska  ishte informuar  për shfrytëzimin efikas  të mjeteve evropiane të cilat destinohen  në zhvillimin e kulturës, infrastrukturës lokale, si dhe në shanset për zhvillim të turizmit në atë komunë. sa/