Rama: Nuk ka 15 kushte për negociatat, ja çfarë thotë përfaqësuesja e KE-së

Kreu i qeverisë Rama ka postuar në rrjetin social një pjesë të fjalës së mbajtur nga Genoveva Calavera gjatë mbledhjes së djeshme në PE, ku u diskutua gjerë për negociatat dhe procesin e integrimit të Shqipërisë në BE.

Rama thotë se nuk ka 15 kushte për çeljen e negociatave dhe politikanët në Shqipëri nuk ‘duhet ta këndojnë’ një gënjeshtër të tillë.

“Për të gjithë ata që e këndojnë apo e përsërisin pasi e dëgjojnë, këngën e 15 kushteve për nisjen zyrtare të negociatave për anëtarësim në Bashkimin Europian, nuk ka 15 kushte dhe kush e përsërit atë këngë ka thjesht qëllimin politik të luftës qorre me qeverinë… Zonja Calavera flet në emër të Komisionit Europian”.