QKK bën thirrje për propozime për edicionin e 94 të çmimeve Oscars

Ftohen të gjithë të interesuarit që të dërgojnë propozime për konsiderim për çmimet e Oscars për kategorinë për film në gjuhë të huaj (international feature), i cili mund ta përfaqësoj Kosovën këtë vit.

Në këtë kategori përfshihen filmat e metrazhit të gjatë artistik, dokumentarë, dhe të animuar më të gjatë se 40 minuta, që janë shfaqur/do të shfaqen në kinema apo VOD platformë për së paku shtatë ditë rresht, jo më herët se 1 janar 2021 dhe jo më vonë se 31 dhjetor 2021.

Edhe këtë vit për shkak të pandemisë, Akademia e Oscars ka adaptuar rregullën që vlen edhe për edicionin e 94, e cila përcakton se: filmat e përzgjedhur që e kanë pasur shfaqjen teatrale të planifikuar më parë, por që fillimisht janë bërë të qasshme përmes një platforme me reputacion të shpërndarjes, ose të ndonjë platforme VOD, mund të kualifikohen, nën kushtet e mëposhtme:

– Që t’i sigurojnë Akademisë dokumentacionin (dokumentin origjinal dhe një përkthim në anglisht) të datave të mbylljes së kinemasë të mandatuar nga qeveria, dokumentacionin që dëshmon shfaqjen në kinema të planifikuar më parë, dhe shpërndarjen në një platformë me reputacion, ose marrëveshje me ndonjë platformë VOD.

– Filmi do të vihet në dispozicion në Dhomën e Shfaqjes së Akademisë brenda 60 ditëve pasi filmi është përcaktuar zyrtarisht nga komiteti përzgjedhës për të përfaqësuar vendin.
– Që plotëson të gjitha kriteret e tjera të pranueshmërisë.

Kushtet dhe detajet tjera të aplikimit i gjeni në link (rregulla e 13-të):

Propozimet mund të dërgohen përmes e-mail adresës: info@qkk-rks.com

Apo përmes postës:

Qendra Kinematografike e Kosovës
Rruga UÇK Nr. 273
10000 Prishtina
Kosova

Data e fundit për dërgimin e propozimeve është 1 shtator 2021.