Pfizer ka nisur një fushatë vetëdijesimi në video-lojën GTA për rëndësinë e vaksinimit

Pfizer ka nisur një fushatë Vacina In Game në Brazil në një përpjekje për të inkurajuar të rinjtë që të vaksinohen.

Kompania ka krijuar një mision në videolojën Cidade Alta, serveri më i madh dhe më i ndjekur GTA V RP në Amerikën Latine.

Lojtarët duhet të shkonin në qendrën e vaksinimit në atë mision dhe pas vaksinimit, personazhi në videolojë do të merrte një shenjë në dorën e tij, që në thelb është një certifikatë vaksinimi.

Në serverë të tillë jozyrtarë për versionin PC të lojës GTA Online, lojtarët kanë kontroll mbi rregullat e lojës dhe mund të luajnë role që nuk janë të disponueshme në serverët zyrtarë të Rockstar. Cidade Alta, për shembull, i lejon përdoruesit të imitojë elementë të jetës reale.

Pfizer ka përfshirë një numër transmetuesish brazilianë në këtë fushatë.