Pas raportimit të humbjes, bie vlera e aksioneve të Uber

në kategorine Galileo

Aksionet e Uber ranë në vlerë këtë të enjte pasi kompania zbuloi shifrat zhgënjyese të fitimit.

Rritja e të ardhurave u ngadalësua përballë konkurrencës së rëndë, duke çuar kompaninë në humbjen më të madhe tremujore.

Uber dhe konkurrentët po shpenzojnë shuma të mëdha në zgjerim, por shefi Dara Khosrowshahi tha se presionet konkurruese po lehtësohen. Por kjo nuk ndaloi çmimin e aksionit të Uber që të binte me 13%.

Ditën e mërkurë, rivali Lyft raportoi shifra që u mirëpritën nga Wall Street. Dhe pritej që edhe Uber të raportonte shifra pozitive.

Por humbja e Uber u zgjerua në 5.2 miliardë dollarë për tre muaj deri në 30 Qershor, një humbje shumë e madhe krahasuar me 878 milion dollarë të tremujorit të vitit të kaluar. Shifrat pasqyruan 3.9 miliardë dollarë shpenzime kompensimi të bazuara në aksione.

Të ardhurat totale u rritën 14.4% në 3.2 miliardë dollarë, por nuk arritën vlerësimet mesatare të analistëve prej 3.4 miliard dollarë. Kostot e Uber u rritën 147% në 8.7 miiard dollarë në tremujor, duke përfshirë një rritje të mprehtë të shpenzimeve për kërkime dhe zhvillim. /PCWorld Albanian

Burimi: http://pcworld.al/

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.