Shkup, 26 tetor – Moti sot do të jetë kryesisht me diell dhe relativisht i ngrohtë. Do të fryjë erë e dobët deri në mesatare nga drejtimi verior. Në Shkup me diell me erë të dobët deri mesatare veriore.
Siç njoftoi DPHM, periudha e motit të qëndrueshëm do të vazhdojë, por me rënie graduale të temperaturës, e cila deri të shtunën do të ulet për rreth pesë gradë.
Në tre ditët në vijim do të jetë me diell me vranësira të vogla deri në mesatare lokale. Do të fryjë erë e lehtë nga veriu. Paraditen e së enjtes do të ketë kushte të dobëta për mjegull në disa lugina.
Temperatura minimale do të lëvizë nga -1 deri në 10 gradë Celsius, ndërsa maksimalja nga 17 deri në 25 gradë Celsius.
