Shkup, 24 tetor – Mot me diell me vranësira të vogla lokale dhe relativisht ngrohtë. Në mëngjes do të ketë kushte për mjegull të dobët nëpër disa fushëgropa. Do të fryjë erë e lehtë nga drejtimi perëndimor.
Temperatura minimale do të jetë në interval prej 4 deri në 11 gradë Celsius, ndërsa maksimalja do të arrijë prej 22 deri në 28 gradë Celsius.
Në Shkup mot me diell me vranësira të vogla dhe relativisht ngrohtë. Do të fryjë erë e dobët nga drejtim i ndryshëm. Temperatura minimale do të bie deri në 7 gradë Celsius, ndërsa maksimalja do të arrijë deri në 24 gradë Celsius.
Në ditët në vijim do të mbajë mot kryesisht me diell dhe i ngrohtë për këtë periudhë të vitit. Në mëngjes nëpër disa fushëgropa do të ketë kushte për paraqitje të mjegullës së mëngjesit dhe atje temperatura gjatë ditës do të jetë më e ulët për disa gradë.
