Kryeministri nuk mendon për dorëheqje dhe zgjedhje të parakohshme

në kategorine Maqedoni

Shkup, 13 gusht 2019 (MEDIAL) – Kryeministri Zoran Zaev në komentin e kërkesës së opozitës për dorëheqje dhe zgjedhje të parakohshme pas publikimit të rastit “Reket” ka thënë se nuk e ka qëllim të mendojë për një gjë të tillë.

“Apsolutisht Qeveria e cila ka në krye njeriun që e paraqiti këtë rast, gjjthë ata e vendos në ujë, e lë mënjanë, nuk kam qëllim të mendoj për asnjë dorëheqje, as edhe zgjedhje të parakohshme”, ka deklaruar Zaev duke u përgjigjur në pyetjen e gazetarëve për rastin “Reket” sonte në solemnitetin në Klubin e deputetëve me rastin e 18 vjetorit të nënshkrimit të Marrëveshjes së Ohrit.

Ai ka thënë se patjetër të jepet shans të rritet standardi ekonomik dhe ajo të mos rrënohet, siç tha, “për deshirën e dikujt të shkohet në zgjedhje”.

Partneriteti midis BDI-së dhe LSDM-së funksionon pa probleme, ka vlerësuar nga ana tjetër, lideri i Bashkimit Demokratik për Integrim (BDI) Ali Ahmeti duke u përgjigjur në pyetjen e gazetarëve se si është gjendja në koalicionin qeveritar.

“Kuptohet që kemi edhe dallime. Kuptohet se ka edhe paragjykime nga ndonjë anëtar i organizatës sonë, por ajo nuk nënkupton se e rrezikon partneritetin dhe se do të krijohet ndonjë pakënaqësi deri në mosrespektim të partneritetit. Nuk ka kurrfarë problemi që do të na rrezikonte neve, partnerët e koalicionit”, ka thënë Ahmeti i cili poashtu ka marrë pjesë në përvjetorin e Marrëveshjes së Ohrit që sonte u mbajt në Klubin e deputetëve. f.

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.