Kallëzime penale kundër tre personave pasi treguan test PCR të rrejshëm në VK “Tabanoc”

Shkup, 28 nëntor – Janë dorëzuar kallëzime penale kundër tre personave nga Rusia, Shkupi dhe Kumanova pasi kanë treguar test PCR të rrejshëm në Vendkalimin kufitar “Tabanoc”, informojnë nga MPB-ja.

“SPB Kumanovë dhe Qendra rajonale për punë kufitare Veri kanë ngritur kallëzime penale kundër personave A.N(25) nga Rusia K.A(31) nga Shkupi dhe A.O(35) nga Kumanova për shkak të dyshimit për vepër të kryer penale ‘falsifikim të dokumenteve’. Gjatë daljes nga shteti në vendkalimin Tabanoc ata kanë treguar test negativ PCR të falsifikuar”, thuhet në kumtesën e MPB-së.